پاکستانی پاسپورٹ کی نئی درجہ بندی

تازہ عالمی رپورٹ کے مطابق پاکستانی پاسپورٹ کی درجہ بندی میں کمی واقع ہوئی ہے۔ ہینلے پاسپورٹ انڈیکس 2025 کے مطابق پاکستان 103ویں نمبر پر پہنچ گیا ہے  جو اب یمن کے برابر ہے۔ گزشتہ سال پاکستان 96ویں نمبر پر تھا اور 32 ممالک تک ویزا فری رسائی حاصل تھی، جو اب گھٹ کر 31 ممالک رہ گئی ہے۔ پاکستان سے نیچے صرف عراق، شام اور افغانستان موجود ہیں۔

 دنیا کے طاقتور ترین پاسپورٹس
ہینلے انڈیکس کے مطابق دنیا کے مضبوط ترین پاسپورٹس سنگاپور، جنوبی کوریا اور جاپان کے ہیں۔

• سنگاپور کے شہری 193 ممالک

• جنوبی کوریا 190 ممالک

• جاپان 189 ممالک میں ویزا فری داخل ہو سکتے ہیں۔

یورپی ممالک جرمنی، اٹلی، لکسمبرگ، اسپین اور سوئٹزرلینڈ 188 ممالک کے ساتھ چوتھے نمبر پر ہیں۔

امریکی پاسپورٹ کی درجہ بندی اپنی تاریخ کی کم ترین سطح پر جا پہنچی ہے، وہ پہلی بار ٹاپ 10 سے باہر ہو کر 12ویں نمبر پر ہے۔ برطانوی پاسپورٹ بھی 6ویں سے 8ویں نمبر پر چلا گیا ہے۔

 چین کی تیز رفتار ترقی
چین نے پچھلی دہائی میں حیرت انگیز پیش رفت کی ہے۔ 2015 میں 94ویں نمبر پر موجود چین اب 64ویں نمبر پر پہنچ چکا ہے، اور صرف ایک سال میں 30 ممالک کے ساتھ ویزا فری معاہدے کیے ہیں۔

 پاکستانی پاسپورٹ پر ویزا فری ممالک:
پاکستانی شہری جن 31 ممالک میں بغیر ویزا جا سکتے ہیں ان میں شامل ہیں۔:بارباڈوس، برونڈی، کمبوڈیا، کیپ وردے جزائر، کومورو جزائر، کک آئی لینڈز، جبوتی، ڈومینیکا، گنی بساؤ، ہیٹی، کینیا، مڈغاسکر، مالدیپ، مائیکرونیشیا، مونٹسریٹ، موزمبیق، نیپال، نیوئے، پالاؤ جزائر، قطر، روانڈا، سیموآ، سینیگال، سیشلز، سیرا لیون، سری لنکا، سینٹ ونسنٹ اینڈ دی گرینیڈائنز، تیمور لیستے، ٹرینیڈاڈ اینڈ ٹوباگو، تووالو اور وانواتو۔