آپریشن غضب للحق: پکتیکا میں شاہین بیس کے ایمیونیشن ڈپوز تباہ

پاکستان کی مسلح افواج نے آپریشن غضب للحق کے تحت ایک بار پھر اپنی طاقت اور عزم کا بھرپور مظاہرہ کیا ہے، جہاں زمینی اور فضائی کارروائیاں انتہائی مؤثر اور درست طریقے سے جاری ہیں۔ یہ آپریشن افغان طالبان رجیم اور فتنہ الخوارج (ٹی ٹی پی) کے خلاف ایک فیصلہ کن جواب ہے، جو سرحد پار سے پاکستان کی سلامتی کو مسلسل خطرے میں ڈال رہے تھے۔ سیکیورٹی ذرائع کے مطابق، پاک فوج نے پکتیکا میں شاہین بیس کے اہم ایمیونیشن ڈپو کو مکمل طور پر تباہ کر دیا، جہاں دھماکوں کی گونج دور دور تک سنائی دی۔ بارڈر لائن پر افغان طالبان اور خوارج کے متعدد ٹھکانوں اور فوجی تنصیبات کو نشانہ بنایا جا رہا ہے، جن میں سے کئی کو شدید نقصان پہنچا ہے۔ شوال اور جنوبی وزیرستان سے ملحقہ افغان طالبان کی اہم پوسٹ بھی پاک فوج کے درست حملوں کا شکار ہوئی، جہاں دھماکا خیز مواد سے لدی یہ تنصیبات مکمل طور پر نیست و نابود ہو گئیں۔ کُرم سیکٹر میں بھی کارروائیوں کا سلسلہ جاری ہے، جہاں متعدد پوسٹیں تباہ کر دی گئیں اور دہشت گرد فرار ہونے پر مجبور ہو گئے۔ یہ آپریشن ابھی تک جاری ہے اور اپنے تمام اہداف حاصل ہونے تک رُکے گا نہیں۔ پاک افواج کا یہ بے باک اور بے رحم جواب واضح پیغام دے رہا ہے کہ پاکستان اپنی سرحدوں، عوام اور خودمختاری کے تحفظ کے لیے کوئی رعایت نہیں برتے گا۔ دہشت گردی کے خلاف یہ جنگ اب عروج پر ہے، اور پاکستان کی فوج اپنے فرض کی ادائیگی میں کسی سے پیچھے نہیں ہٹے گی۔