پاکستان کے قونصلیٹ جنرل نیویارک نے ایک اہم تقریب کی میزبانی کی جس میں ترک امریکن پر دستخط چیمبر آف کامرس اور قونصل خانے کے ٹریڈ اینڈ انویسٹمنٹ سیکشن کے درمیان ایک مفاہمتی یادداشت کیے گئے۔ یہ اقدام پاکستان اور ترک نژاد امریکی کاروباری برادریوں کے درمیان معاشی تعلقات کو مضبوط بنانے کے لیے ایک سنگ میل ثابت ہوگا۔ ا س معاہدے کا مقصد پاکستان اور ترک امریکن کاروباری حلقوں کے درمیان تجارتی تعلقات کو فروغ دینا، سرمایہ کاری کو متوجہ کرنا اور اقتصادی تعاون کو وسعت دینا ہے۔ اس مفاہمتی یادداشت کے ذریعے مشترکہ منصوبوں اور سرحد پار شراکت داریوں کے نئے مواقع پیدا کیے جائیں گے۔
تقریب میں مختلف کاروباری شعبوں سے وابستہ نمایاں شخصیات، کمیونٹی رہنما اور اہم اسٹیک ہولڈرز نے شرکت کی۔ قونصل جنرل، عامر احمد آتوزئی نے مہمانوں کو خوش آمدید کہتے ہوئے عالمی اقتصادی شراکت داریوں کی اہمیت پر زور دیا اور انہیں پاکستان کی عالمی سطح پر تجارتی وسعت کے وژن سے آگاہ کیا۔ ٹریڈ اینڈ انویسٹمنٹ کونسلر، عدنان محمود اعوان نے پاکستان میں تجارت، سرمایہ کاری اور سیاحت کے شعبوں میں موجود بے پناہ مواقع پر ایک جامع بریفنگ دی۔ انہوں نے پائیدار اور شراکتی ترقی کے لیے طویل المدتی تعلقات استوار کرنے کی ضرورت پر زور دیا۔ تقریب میں گریٹر نیویارک چیمبر آف کامرس اور آرتھوڈوکس یہودی چیمبر آف کامرس کے صدور نے بھی شرکت کی اور بین الاقوامی و علاقائی تعاون، اور جامع کاروباری ترقی کی حمایت کا اظہار کیا۔
اس موقع پر جناب عدنان اعوان نے کہا، “یہ مفاہمتی یادداشت پاکستان کے تجارتی افق کو وسعت دینے اور جامع اقتصادی ترقی کے فروغ کی جانب ایک دوراندیش قدم ہے۔ ہم مختلف کاروباری برادریوں کے درمیان دیرپا پل بنانے کے لیے پرعزم ہیں تاکہ اختراع، کاروبار اور مشترکہ خوشحالی کے دروازے کھلیں۔ یہ معاہدہ آئندہ تجارتی وفود، سرمایہ کاری فورمز اور مشترکہ منصوبہ بندی کی سرگرمیوں کے لیے ایک پلیٹ فارم فراہم کرے گا، جس سے ترک-امریکن چیمبر آف کامرس اور پاکستان قونصلیٹ کے ٹریڈ اینڈ انویسٹمنٹ سیکشن کے درمیان تعاون مزید مستحکم ہوگا۔
Discussion about this post