پاکستان کا مؤثر جواب، عالمی میڈیا بھی تسلیم کرنے پر مجبور

بھارتی جارحیت پر پاکستان کی جانب سے دیے گئے سخت اور بروقت ردِعمل نے نا صرف دشمن کو پسپا کر دیا، بلکہ عالمی میڈیا بھی اس غیر معمولی کارروائی کا اعتراف کرنے لگا ہے۔

سی این این کی رپورٹ: "پاکستان نے بھارتی عزائم خاک میں ملا دیے”
امریکی نشریاتی ادارے سی این این نے اپنی رپورٹ میں کہا ہے کہ پاکستان نے بھارتی اشتعال انگیزی کے خلاف فیصلہ کن اور بھرپور جواب دے کر نہ صرف اپنا دفاع مضبوطی سے کیا بلکہ دشمن کے جارحانہ ارادوں کو بھی مکمل طور پر ناکام بنا دیا۔

"آپریشن بنیان مرصوص” کے تحت حساس بھارتی تنصیبات تباہ
پاک افواج کی جانب سے شروع کیے گئے آپریشن "بُنْیَانُ مَّرْصُوْص” میں بھارت کی کئی اسٹریٹجک تنصیبات کو نشانہ بنایا گیا، جن میں شامل ہیں:

• ادھم پور ایئربیس
• پٹھان کوٹ ایئرفیلڈ
• سرسہ اور سورت گڑھ ایئرفیلڈز
• بیاس میں براہموس میزائلوں کا ذخیرہ
• بریگیڈ ہیڈکوارٹر کے جی ٹاپ
• اڑی کا فوجی سپلائی ڈپو

ذرائع کے مطابق، پاک فوج کی پیش قدمی جاری ہے اور مزید اہداف بھی نشانے پر ہیں۔

بھارت میں سناٹا، عالمی برادری سے مدد کی بھاگ دوڑ
سی این این کے مطابق، ان حملوں کے بعد بھارت کے سرکاری حلقوں میں غیر معمولی خاموشی چھا گئی ہے۔ دہلی سرکار اب عالمی برادری سے رابطے کر رہی ہے اور کشیدگی میں کمی کے لیے سفارتی کوششوں کا سہارا لے رہی ہے۔

پاکستان — امن کا داعی، دفاع میں فولاد
افواجِ پاکستان ہر قسم کی جارحیت کا جواب دینے کے لیے مکمل طور پر مستعد ہیں۔ پاکستان نے ثابت کر دیا ہے کہ وہ نہ صرف اپنی خودمختاری کے تحفظ میں پرعزم ہے بلکہ دشمن کے کسی بھی ناپاک منصوبے کو کامیاب ہونے سے پہلے ہی ناکام بنانے کی صلاحیت رکھتا ہے