کرکٹ کے میدانوں کے روایتی حریف پاکستان اور بھارت پر اسٹریمنگ پلیٹ فارم نیٹ فلکس نے دستاویزی فلم ” سب سے بڑے حریف پاکستان اور بھارت ” کو 7 فروری کو جاری کرنے کا اعلان کیا ہے۔ فلم میں پاکستان اور بھارت کے دلچسپ اور سنسنی خیز میچزپر گفتگو ہوگی جبکہ کئی سینئر کھلاڑی جیسے سہیواگ، گنگولی، شعیب اختر اور گاواسکر کے انٹرویوز بھی ہوں گے ۔ معلوم ہوا ہے کہ اس دستاویزی فلم میں روی چندرن ایشون، وقار یونس، جاوید میانداد اور انضمام الحق کے انٹرویوز بھی شامل کیے گئے ہیں۔ فلم میں پاک بھارت کرکٹ کے علاوہ دونوں ملکوں کے روایات اور ثقافت کو بھی منفرد اور مختلف انداز میں بیان کیا گیا ہے۔
Discussion about this post