پنجاب ، مون سون کا ساتواں اسپیل 13 اگست سے شروع ہوگا

پرونشل ڈیزاسٹر مینجمنٹ اتھارٹی (پی ڈی ایم اے) پنجاب نے دریاؤں میں ممکنہ طغیانی کے پیش نظر نئی فلڈ ایڈوائزری جاری کردی ہے۔ ترجمان پی ڈی ایم اے کے مطابق دریائے ستلج، راوی، چناب، جہلم اور ان سے ملحقہ ندی نالوں میں سیلابی صورتحال پیدا ہو سکتی ہے۔ مون سون بارشوں کا ساتواں اسپیل 13 اگست سے شروع ہونے کا امکان ہے، جس کے باعث پانی کی سطح میں اضافہ متوقع ہے۔ پی ڈی ایم اے نے کمشنرز، ڈپٹی کمشنرز اور متعلقہ محکموں کو الرٹ رہنے کی ہدایت دی ہے، جبکہ ڈی جی پی ڈی ایم اے عرفان علی کاٹھیا نے دریاؤں کے پاٹ میں موجود مکانوں اور مویشیوں کے فوری انخلا پر زور دیا ہے۔رپورٹ کے مطابق رواں سال پنجاب میں مون سون بارشوں کے باعث اب تک 39 افراد جاں بحق ہو چکے ہیں۔ حکام نے شہریوں کو دریاؤں، نہروں، ندی نالوں اور تالابوں میں نہانے سے باز رہنے اور کسی بھی ہنگامی صورتحال میں ہیلپ لائن 1129 پر رابطہ کرنے کی اپیل کی ہے۔