وزیراعلیٰ پنجاب مریم نواز نے لاہور میں پریس کانفرنس کرتے ہوئے اس عزم کا اظہار کیا کہ اگر کسی نے سیاست کی آڑ میں عوام کی راہ میں مشکلات کھڑی کریں تو وہ ان سے سختی کے ساتھ نمٹیں گی۔ ان کا مزید کہنا تھا کہ ہارے ہوئے مائنڈ سیٹ کا کام صرف لڑائی چھگڑا اور جلاؤ گھیراؤ ہے۔ جانتے ہیں کہ اپوزیشن میں بیٹھے لوگ ابھی سوگ میں ہیں ان کی ذہنی حالت ٹھیک نہیں ہے۔ وزیراعلیٰ مریم نواز کا کہنا تھا کہ رمضان پیکج میں اعلیٰ کوالٹی کا گھی، آٹا، چینی، چاول اور بیسن شامل ہے۔ ڈیلیوری ٹیموں کو یونین کونسل اور محلوں کی سطح پر تقسیم کیا گیا ہے۔ غیر معیاری پروڈکٹ تیار کرنے والی 4 ملز کو سیل کیا گیا ہے اور ڈیلیوری ٹیموں کو کسی ناخوشگوار واقعے سے بچانے کیلئے پولیس کی سیکیورٹی بھی فراہم کی گئی ہے۔ اُن کا مزید کہنا تھا کہ پنجاب حکومت نے مہینوں کا کام دنوں میں کیا ہے۔ قوم کے ساتھ کیے گئے وعدوں کی تکمیل اب شروع ہوگئی ہے۔
Discussion about this post