تحریک انصاف کے راولپنڈی میں آّج کے لانگ مارچ کے ٹریفک پلان کے مطابق شہری اسلام آباد ایکسپریس وے سے راولپنڈی کے لیے پرانا ہوائی اڈہ روڈ استعمال کرسکتے ہیں۔ ایکسپریس وے سے پرانے ہوائی اڈے کی شاہراہ پر یکطرفہ ٹریفک کھلی ہے۔ فیض آباد مری روڈ راولپنڈی کے داخلی راستے سے بند ہے، آئی جے پی روڈ، مری روڈ اور راولپنڈی کے لیے فیض آباد کے سبھی راستے بند ہیں۔ٹریفک پولیس کا مزید کہنا ہے کہ 26 نمبر چونگی سے ٹریفک کے لیے شاہراہیں کھلی ہیں، اسلام آبادہوائی اڈے اور موٹر وے ٹریفک کے لیے کھلا ہے، مری روڈ راولپنڈی کی طرف ٹریفک کے دونوں جانب کے لیے فیض آباد میں متبادل روٹ ہے۔ متبادل طور پر ٹریفک کو اسلام آباد ایکسپریس وے کی طرف موڑ دیا گیا ہے، ایکسپریس چوک اور نادرا چوک سے ریڈ زون کے داخلی اور خارجی راستے بھی بند ہیں، متبادل طور پر مارگلہ روڈ اور ایوب چوک کو استعمال کیا جارہا ہے۔ اسی طرح فیض آباد بس ٹرمینل ٹریفک کے لیے بند کردیا گیاہے۔
Discussion about this post