کرسٹین اسٹیورٹ نے خاتون ساتھی ڈیلن میئر سے شادی کر لی

ہالی  وڈ کی معروف اور خوبرو اداکارہ کرسٹین اسٹیورٹ نے اپنی دیرینہ دوست اور اسکرین رائٹر ڈیلن میئر سے شادی کرکے شوبز دنیا میں حیرت کی لہر دوڑا دی۔یہ سادہ مگر خوبصورت تقریب لاس اینجلس میں منعقد ہوئی، جہاں صرف قریبی دوستوں نے شرکت کی۔ دونوں خواتین نے ایک دوسرے کو انگوٹھیاں پہنائیں اور زندگی بھر ایک ساتھ نبھانے کے وعدے کیے۔کرسٹین اور ڈیلن کے درمیان گزشتہ پانچ برسوں سے گہرے تعلقات تھے، جن کا اظہار وہ مختلف انٹرویوز میں بھی کر چکی تھیں۔ دونوں نے 2021 میں منگنی کی اور 20 اپریل 2025 کو باقاعدہ رشتۂ ازدواج میں بندھ گئیں۔کرسٹین اسٹیورٹ ہمیشہ سے اپنے جنسی رجحانات کے باعث خبروں میں رہی ہیں۔  ایک وقت میں وہ مرد ساتھیوں کے ساتھ تعلقات میں بھی رہی ہیں، لیکن پھر انہوں نے کھل کر ہم جنس پرستی کا اعتراف کیا اور کئی خواتین سے تعلقات میں رہیں۔

اداکارہ نے 2019 کے ایک انٹرویو میں انکشاف کیا تھا کہ انہیں اپنی جنسی شناخت چھپانے کے لیے دباؤ کا سامنا رہا۔ یہاں تک کہا گیا کہ اگر وہ ہم جنس پرستی ترک کریں تو انہیں ایک بڑی فلم، جیسے مارول اسٹوڈیوز کی سائنس فکشن فلم میں مرکزی کردار مل سکتا ہے۔ کرسٹین نے یہ بھی بتایا تھا کہ فلمی حلقے انہیں مشورہ دیتے تھے کہ وہ اپنی خاتون ساتھیوں سے عوامی مقامات پر دور رہیں اور اپنے جذبات کو خفیہ رکھیں، مگر انہوں نے ہمیشہ اپنی سچائی کے ساتھ جینے کو ترجیح دی۔