سابق پاکستانی اداکارہ زرنش خان نے سوشل میڈیا پلیٹ فارمز سے درخواست کی ہے کہ ان کی پرانی تصاویر استعمال نہ کریں۔ انہوں نے انسٹا اسٹوری پر تحریر کیا ہے کہ ان کی سارے سوشل میڈیا پلیٹ فارمز سے درخواست ہے کہ براہِ مہربانی اُن کی پرانی تصاویر استعمال نہ کریں۔ اب وہ پردہ کرتی ہیں اور اسی لیے یہ درخواست کررہی ہیں کہ پرانی تصاویر کا استعمال نہ کیا جائے ۔ زرنش خان نے مزید لکھا ہے کہ باقی جس کو جو بھی لکھنا ہے لکھے، بس صرف پرانی تصاویر اور ویڈیوز استعمال نہ کریں۔ زرنش خان نے آخر میں لکھا ہے کہ آپ سب کے لیے یہ مہینہ مبارک ثابت ہو۔ واضح رہے کہ زرنش خان نے 2023ء میں عمرے کی سعادت حاصل کرنے بعد اسلامی تعلیمات کے مطابق زندگی گزارنے کے لیے شوبز انڈسٹری کو الوداع کہہ دیا تھا۔ اداکارہ نے عمرے کی سعادت حاصل کرنے کے فوراً بعد اپنے سوشل میڈیا اکاؤنٹس سے اپنی ساری پرانی تصاویر اور ویڈیوز بھی ڈیلیٹ کر دی تھیں۔
Discussion about this post