ملک کو اکیلے کوئی جماعت طاقت ور نہیں بنا سکتی، اسحاق ڈار

نون لیگ کے سینیٹر اسحاق ڈارنے سینیٹ میں اظہار خیال کیا۔ اس موقع پر ان کا کہنا تھا کہ جب جب ملک معاشی ترقی کرنے لگتا ہے معلوم نہیں کیوں کوئی ٹانگ کھینچ لیتا ہے۔ ک میثاق معیشت اور میثاق جمہوریت وقت کی ضرورت ہے، 2013ء میں ملک دیوالیہ ہونے جارہا تھا، اس کے بعد مسلم لیگ ن کی حکومت آئی اور ملک کی جی ڈی پی بڑھی اور مہنگائی کم ہوئی۔ 2014کے دھرنے کے خلاف ساری جماعتیں متحد ہوئیں، وہ جمہوریت کی کامیابی تھی، ہمیں دنیا کی چوبیسویں بڑی معیشت ڈکلیئر کیا گیا تھا۔ پیش گوئی تھی کہ ملک جی 20 میں جا رہا ہے، پھر ملک کو کس کی نظر لگ گئی، کس کی سازش تھی، میں اس سازش کو پراجیکٹ 2011ء کہتا ہوں، اس ملک میں پاناما کا ڈراما رچایا گیا۔ سابق وزیر خزانہ کا کہنا تھا کہ ملک کو اکیلے کوئی جماعت طاقت ور نہیں بنا سکتی، ہم سب کو ملکر کام کرنا ہوگا۔ اب ہم مستحکم ہیں، ملک کو آگے لے جانے میں سال لگیں گے، ہمیں ملکر کام کرنا چاہیے۔