اسلام آباد ہائی کورٹ نے سابق وزیراعظم عمران خان کی طرف سے عید کے دنوں میں ممکنا گرفتاری کی پیشگی اجازت اور مقدمات کی تفصیلات پر درخواست کی سماعت کی۔ چیف جسٹس عامر فاروق کے سامنے عمران خان کے وکیل کا کہنا تھا کہ سراج الحق زمان پارک آئے۔ مذاکرات کی طرف پیش قدمی ہوئی لیکن اگلی ہی صبح تحریک انصاف سندھ کے صدر کو گرفتار کرلیا گیا۔ وکیل کا موقف تھا کہ خدشہ ہے کہ عید کی 5 دن کی تعطیلات میں یہ پھر کوئی آپریشن کریں گے، جس پر چیف جسٹس نے ریمارکس دیے کہ مقدمات کی تفصیلات تو طلب کر سکتے ہیں وہ اور کوئی خالی آرڈر کیسے کریں؟ عدالت نے عید تعطیلات کے دوران عمران خان کو ہراساں نہ کرنے کا حکم دیتے ہوئے وفاق، پولیس اور ایف آئی اے کو نوٹس جاری کردیے اور کیسز کی تفصیلات طلب کرلیں۔
Discussion about this post