آئی سی سی کی نئی ون ڈے اور ٹی 20 رینکنگ جاری

ون ڈے بیٹنگ میں بھارت کے شبمن گل پہلے نمبر پر برقرار ہیں۔ روہت شرما ایک درجہ ترقی کے بعد دوسرے اور بابر اعظم ایک درجہ تنزلی کے بعد تیسرے نمبر پر پہنچ گئے۔ ویرات کوہلی چوتھے نمبر پر ہیں، جبکہ محمد رضوان ایک درجہ گر کر 23ویں پوزیشن پر آ گئے ہیں۔ ٹی ٹوئنٹی بولنگ میں حارث رؤف دو درجے ترقی کے ساتھ 24ویں اور عباس آفریدی 26ویں نمبر پر پہنچ گئے۔ سفیان مقیم اور شاہین آفریدی بھی بہتری کے ساتھ بالترتیب 33ویں اور 34ویں پوزیشن پر ہیں۔ محمد نواز، ابرار احمد اور شاداب خان کی رینکنگ میں کمی آئی ہے۔ بولنگ میں نیوزی لینڈ کے جیکب ڈفی پہلے، انگلینڈ کے عادل رشید دوسرے اور ویسٹ انڈیز کے عقیل حسین تیسرے نمبر پر ہیں۔

ٹی ٹوئنٹی بیٹنگ میں بابر اعظم 18ویں اور محمد رضوان 20ویں نمبر پر آ گئے ہیں۔ حسن نواز 32ویں، صائم ایوب 38ویں، صاحبزادہ فرحان 64ویں، سلمان علی آغا 77ویں، فخر زمان 79ویں اور محمد حارث 88ویں پوزیشن پر موجود ہیں۔ بیٹنگ میں بھارت کے ابھیشیک شرما پہلے، تیلاک ورما دوسرے اور انگلینڈ کے فل سالٹ تیسرے نمبر پر ہیں۔