ویمنز ورلڈ کپ 2025: شیڈول جاری

آئی سی سی ویمنز ون ڈے ورلڈ کپ 2025 کا باضابطہ شیڈول جاری کر دیا گیا ہے، جس کے مطابق ایونٹ کا افتتاحی میچ 30 ستمبر کو بنگلورو میں کھیلا جائے گا، جبکہ شائقین کرکٹ کے دلوں کی دھڑکن، پاک-بھارت ویمنز ٹاکرا 5 اکتوبر کو کولمبو میں ہوگا۔  آئی سی سی نے ورلڈ کپ کے شیڈول میں پاک بھارت میچز کو ہائبرڈ ماڈل کے تحت ترتیب دیا ہے۔ اس معاہدے کے مطابق پاکستان ویمن کرکٹ ٹیم اپنے تمام میچز سری لنکا کے دارالحکومت کولمبو میں کھیلے گی۔ پاکستانی ویمنز ٹیم اپنا پہلا میچ 2 اکتوبر کو بنگلہ دیش کے خلاف کولمبو میں کھیلے گی، جبکہ سب سے زیادہ توجہ حاصل کرنے والا میچ بھارت کے خلاف 5 اکتوبر کو ہوگا۔ شیڈول کے مطابق اگر پاکستانی ویمنز ٹیم سیمی فائنل میں پہنچتی ہے تو ان کا میچ بھی کولمبو میں ہی رکھا گیا ہے۔ فائنل کا مقام بنگلورو یا کولمبو میں ہوگا، جس کا انحصار پاکستان ٹیم کی فائنل تک رسائی پر ہے۔  ورلڈ کپ کے مجموعی طور پر 14 میچز مختلف مقامات پر کھیلے جائیں گے، جن میں
بنگلور
اندور
گوہاٹی
کولمبو شامل ہیں۔

پاکستان ویمن ٹیم کے لیے یہ ورلڈ کپ نہ صرف ایک اہم کرکٹنگ چیلنج ہے بلکہ ملک کی نمائندگی کا فخر بھی۔ ٹیم کی کارکردگی شائقین کے لیے باعثِ امید بنی ہوئی ہے، اور پاک-بھارت میچ ہمیشہ کی طرح اس بار بھی سب کی توجہ کا مرکز ہوگا۔