عمرے کی آڑ میں بھیک مانگنے کیلئے سعودیہ جانیوالے 4 ملزمان گرفتار

ترجمان ایف آئی اے کے مطابق ملزمان کو ایف آئی اے امیگریشن نے لاہور ایئرپورٹ پر آف لوڈ کیا، گرفتار ملزمان میں 2 خواتین اور 2 مرد شامل ہیں۔ تفتیش کے ذریعے معلوم ہوا کہ ملزمان بھیک مانگنے کے لیے کئی  بار سعودی عرب، ایران اور عراق جا چُکے ہیں۔ ملزمان کو سعودی عرب پہنچنے پر پاکستانی ایجنٹس نے وصول کرنا تھا۔ ایف آئی اے کے ترجمان کے مطابق  ملزمان اور ایجنٹس کے خلاف مقدمہ درج کر لیا گیا ہے اور تفتیش جاری ہے۔ ملزمان کا کہنا ہے کہ  بھیک کے ذریعے کمائی کی گئی رقم کا آدھا حصّہ ایجنٹس کو ملنا تھا۔