ملک میں رجسٹرڈ ووٹرز کی تعداد 13 کروڑ سے زائد

الیکشن کمیشن نےملک بھر میں ووٹرزکی تفصیلات جاری کردیں۔ جس کے مطابق رجسٹرڈ ووٹرز کی تعداد 13 کروڑ 4 لاکھ 44 ہزار891 تک پہنچ چکی ہے ،اسلام آباد میں مجموعی طور پر 11 لاکھ 12 ہزار 744 ووٹرز ہیں،اسلام آباد میں 5 لاکھ 28 ہزار781 خواتین،5 لاکھ 83 ہزار963 مرد ووٹرزہیں۔ دوسری جانب  بلوچستان میں ووٹرز کی مجموعی تعداد 54 لاکھ 50 ہزار 572 ہے،بلوچستان میں 23 لاکھ 93 ہزار797 خواتین،30 لاکھ 56 ہزار775 مرد ووٹرزہیں۔ ادھر  خیبرپختونخوا میں ووٹرز کی مجموعی تعداد 2 کروڑ 22 لاکھ 45 ہزار264 ہے،پنجاب میں 7 کروڑ 42 لاکھ 55 ہزار 74 ووٹرز ہیں،سندھ میں  رجسٹرڈ ووٹرز کی تعداد 2 کروڑ 73 لاکھ 81 ہزار237 ہے۔