دبئی میں اگلے سال ایئر ٹیکسی سروس شروع کرنے کا اعلان

دبئی ایک بار پھر جدید طرزِ زندگی کی نئی مثال قائم کرنے جا رہا ہے۔ نائب وزیراعظم اور ولی عہد شیخ حمدان بن محمد المکتوم نے اعلان کیا ہے کہ اگلے سال سے دبئی میں باقاعدہ ایئر ٹیکسی سروس شروع کی جائے گی، جو شہری نقل و حرکت کے انداز کو یکسر بدل دے گی۔سوشل میڈیا پر جاری اپنے پیغام میں شیخ حمدان بن محمد نے بتایا کہ آج پہلی بار ایئر ٹیکسی نے عملے کے ساتھ کامیاب پرواز بھری، جو باقاعدہ سروس کے آغاز سے قبل حتمی آزمائشی مرحلہ تھا۔ ان کے مطابق، دبئی انٹرنیشنل ایئرپورٹ کے قریب پہلا ورٹی پورٹ (Vertiport) تعمیر کے آخری مراحل میں ہے، جہاں سے یہ سروس باقاعدہ طور پر شروع کی جائے گی۔

Today, I reviewed the Roads and Transport Authority’s latest infrastructure and public transport projects aimed at enhancing quality of life in Dubai. Ahead of next year’s air taxi launch, the first crewed eVTOL flight took off from Margham and landed at Al Maktoum International… pic.twitter.com/CfOMZkqyX1

— Hamdan bin Mohammed (@HamdanMohammed) November 11, 2025

شیخ حمدان نے کہا کہ ایئر ٹیکسی منصوبہ دبئی کے لائف اسٹائل کو مزید جدید، محفوظ اور پائیدار بنانے کی ایک اہم کڑی ہے۔ ان کے مطابق، یہ سروس نہ صرف شہریوں کے لیے سفر کو تیز اور آسان بنائے گی بلکہ دبئی کو پیدل چلنے والوں اور سائیکل سواروں کے لیے بھی زیادہ موزوں شہر میں تبدیل کرے گی۔دبئی حکومت کا یہ منصوبہ مستقبل کے جدید شہروں کے تصور کو حقیقت میں بدلنے کی ایک اور مثال ہے جہاں ٹیکنالوجی، سہولت اور ماحول دوست طرزِ زندگی ایک دوسرے کے ساتھ ہم آہنگ ہوں گے۔