آئی سی سی نے کرکٹ قوانین میں بڑی تبدیلیاں

انٹرنیشنل کرکٹ کونسل (آئی سی سی) نے کرکٹ کے تینوں فارمیٹس ٹیسٹ، ون ڈے اور ٹی ٹوئنٹی کے قواعد و ضوابط میں اہم اور تاریخی نوعیت کی تبدیلیوں کا اعلان کر دیا ہے، جن کا مقصد کھیل کو مزید متوازن، دلکش اور محفوظ بنانا ہے۔

ون ڈے میں گیند کے استعمال کا نیا قانون

اب تک ون ڈے میچز میں ہر اینڈ سے الگ نئی گیند استعمال کی جاتی تھی، جو 25 اوورز تک کارآمد رہتی تھی۔
نئے قانون کے مطابق:

 دونوں گیندیں اب 34 اوورز تک استعمال ہوں گی۔
35ویں اوور سے صرف ایک گیند کا انتخاب ہوگا، جو میچ کے اختتام تک چلے گی۔
 اگر میچ 25 اوورز یا اس سے کم کا ہو، تو صرف ایک گیند ہی استعمال کی جائے گی۔

فائدہ؟
بالرز کو ڈیتھ اوورز میں ریورس سوئنگ کا موقع ملے گا، جو نئی گیند کے مسلسل استعمال سے ناپید ہو چکی تھی۔

کنکشن سبسٹیٹیوٹ کے لیے پیشگی فہرست لازمی

اب ہر ٹیم کو ٹاس سے پہلے 5 متبادل کھلاڑیوں کی فہرست جمع کروانی ہوگی، جو کنکشن (دماغی چوٹ) کی صورت میں استعمال کیے جا سکتے ہیں:

1. ایک بیٹر

2. ایک آل راؤنڈر

3. ایک وکٹ کیپر

4. ایک فاسٹ بولر

5. ایک اسپنر

.اس سے پہلے سبسٹیٹیوٹ میچ کے دوران تجویز کیے جاتے تھے، مگر اب یہ پیشگی طے ہوں گے۔

آئی سی سی اور میری لیبون کرکٹ کلب (ایم سی سی) نے باہمی اتفاق سے مشہور ‘بنی ہاپ’ اسٹائل باؤنڈری کیچز کو غیر قانونی قرار دے دیا ہے۔

 اب یہ شرط ہوگی:

• اگر فیلڈر باؤنڈری سے باہر جا کر ہوا میں گیند کو چھوتا ہے، تو وہ کیچ غیر قانونی ہوگا۔

• البتہ اگر وہ پہلے میدان میں گیند کو چھوئے اور پھر باہر جا کر واپس آ کر کیچ مکمل کرے، تو کیچ قانونی تصور ہوگا۔

یہ قانون اکتوبر 2026 سے نافذ ہوگا، لیکن اس کی عکاسی اگلے ہفتے سے پلیئنگ کنڈیشنز میں شروع ہو جائے گی۔