آصفہ بھٹو کو فرسٹ لیڈی بنانے کا فیصلہ

نومنتخب صدر آصف علی زرداری نے صاحبزادی آصفہ بھٹو زرداری کو خاتون اول کا درجہ دینے کا فیصلہ کیا ہے۔ معلوم ہوا ہے کہ صدر آصف زرداری با ضابطہ طور پر آصفہ بھٹو کو خاتون اول ڈکلیئر کریں گے۔  آصفہ بھٹو کو خاتونِ اول کا پروٹوکول دیا جائےگا وہ پہلی خاتون اول ہوں گی جو صدر کی بیٹی ہیں۔ یاد رہے کہ عام طور پر خاتون اول کا درجہ اہلیہ کا ہوتا ہے۔  آصفہ بھٹو ،بلاول بھٹو زرداری اور بختاور بھٹو زرداری کی چھوٹی بہن ہیں۔ وہ اپنے والد کے سب سے قریب رہیں ، آصف علی زرداری کے جیل کے دنوں میں اور عدالتوں میں پیشی کے وقت بھی آصف علی زرداری کی گود میں ہمیشہ وہی نظر آتی تھیں۔ اتوار کو  ایوان صدر میں حلف برداری کی تقریب میں بھی وہ اپنے والد کے کا  بازو تھام کر چل رہی تھیں۔