بالی وڈ اسٹار نواز الدین صدیقی کی نئی فلم ” ہڈی ” کا پوسٹر پرستاروں کے لیے پیش کردیا گیا ہے۔ گینگ آف واسوپور کے ہیرو نواز الدین صدیقی خاتون بنے ہوئے ہیں اور ان کا روپ ایسا ہے کہ پہلی جھلک میں دیکھ کر لگتا ہے کہ جیسے ارچنا پورن سنگھ بیٹھی ہوں۔ بلکہ کئی تو اس بات کا دھوکہ بھی کھاگئےکہ یہ نواز الدین صدیقی نہیں بلکہ ارچنا پورن سنگھ ہیں۔ ” کپل شرما شو” کی کو ہوسٹ ارچنا پورن سنگھ کو لے کر پرستاروں نے یاد کرنا شروع کردیاہے۔
کسی نے لکھا کہ نواز الدین صدیقی پر اتنا میک اپ کرنے سے بہتر تھا کہ ارچنا پورن سنگھ کو ہی کاسٹ کرلیا جاتا۔ کسی نے لکھا کہ پہلی نظر میں انہیں یہی لگا کہ جیسے ارچنا جی کی کوئی نئی فلم آنے والی ہے لیکن کمال کا میک اپ نواز الدین صدیقی کے چہرے پر سجایا گیا ہے کہ معلوم ہی نہیں لگ رہا۔ اُدھر ارچنا پورن سنگھ کا کہنا تھا کہ بالوں کا انداز ہے جو ان سے مشابہت رکھتا ہے ۔ وہ محسوس کرتی ہیں کہ کسی بھی طرح سےنواز الدین صدیقی سئ موازنہ کیا جانا بہت بڑی تعریف ہے۔ یاد رہے کہ نواز الدین صدیقی کی یہ ایکشن کرائم ڈراما مووی ہےجو اگلے سال پرستاروں کے لیے پیش کی جائے گی ۔
View this post on Instagram
Discussion about this post