سانحہ 9 مئی: 51 ملزمان کی جائیداد ضبط کرنےکاحکم

گوجرانوالہ کی انسداد دہشت گردی عدالت نے گوجرانوالا کینٹ پر 9 مئی کو حملے اور جلاؤ گھیراؤ کے مقدمے میں بانی پی ٹی آئی، شاہ محمود قریشی اور پرویز الہٰی سمیت 51 ملزمان کی جائیداد ضبط کرنے کا حکم دے دیا۔ ساتھ ہی ان کو اشتہاری بھی قرار دینے کی کارروائی کی گئی ہے۔ ملزمان کے گھروں اور شہر کے اہم مقامات پر اشتہار آویزاں کیےجارہے ہیں جبکہ ان کے ناقابل ضمانت وارنٹ گرفتاری بھی جاری ہوچکے ہیں۔  ملزمان کی فہرست میں بانیٔ پی ٹی آئی، شاہ محمود قریشی، چوہدری پرویز الہٰی، یاسمین راشد، اعجاز چوہدری بھی شامل ہیں۔ مراد سعید، حماد اظہر، فرخ حبیب، عمر ایوب، علی امین گنڈا پور، زرتاج گل، زبیر نیازی، اکرم ساہی، شوکت بھٹی،احمد چٹھہ، بلال اعجاز اور ظفر اللّٰہ چیمہ کے نام بھی ملزمان میں شامل ہیں۔