120 جدید آرام دہ بسیں کراچی میں چلیں گی

سندھ حکومت نے کراچی کے عوام کو خوش خبری سنائی ہے کہ چین سے منگوائی گئیں 120 اے سی بسوں کو آج سے افتتاح ہورہا ہے۔ یہ بسیں کراچی کے 7 مختلف روٹس پر چلیں گی۔ سندھ حکومت کے مطابق پہلے مرحلے میں پیپلز بس سروس کو ماڈل کالونی ملیر کینٹ سے ٹاور تک چلایا جائے گاجبکہ ناگن چورنگی سے کورنگی اور پھر دیگر علاقوں تک یہ سروس عوام کے لیے ہوگی۔یاد رہے کہ چین سے اس نوعیت کی 240 بسیں منگوائی گئی ہیں۔ ان میں سے 120 کراچی پہنچ چکی ہیں۔ ان بسوں کا کرایہ 25 روپے سے 60 روپے تک ہوگا۔