کوہ پیما سد علی میمن نے بلند ترین چوٹی سر کرلی

پاکستانی کوہ پیما اسد علی میمن کے نئے کارنامے نے ہر ایک کا سر فخر سے بلند کردیا۔ اسد علی میمن نے امریکا کی بلند ترین چوٹی دینالی کو سر کرلیا ہے۔ پاکستانی کوہ پیما نے الاسکا میں 6 ہزار 190 میٹر کی اس بلندی کو 28 مئی کو سرکیا۔ یاد رہے کہ اسد علی میمن اس سے پہلے ماؤنٹ کیلی مانجرو، اکونگوا اور البروس کو بھی سر کرنے کا کارنامہ انجام دے چکے ہیں۔ اسد علی میمن کا کہنا ہے کہ وہ 7 براعظم میں 7 چوٹیوں کو سر کرنا چاہتے ہیں تاکہ دنیا بھر میں پاکستان کا نام روشن ہوسکے۔