کترینا کیف اور وکی کوشل آج شادی کے بندھن میں بندھنے جارہے ہیں۔ راجستھان کے خلع مدھوپور کے ہوٹل میں تقریبات کو حتمی شکل دے دی گئی۔ مہمانوں کو اس بات کا پابند کیا گیا ہے کہ وہ کسی بھی صورت تصاویر یا ویڈیو نہیں بنائیں گے۔ جبکہ اس تقریب میں شاہ رخ خان کے علاوہ بالی وڈ کے کئی ستاروں کی آمد متوقع ہے۔ اس وقت کبیر خان، منی ماتھوراور نیہا دوپیا راجستھان میں ہی ہیں، جو مہندی کی تقریب سے لے کر شادی تک کترینا کیف کی خوشیوں میں شریک ہیں۔
دوسری جانب انوشکا شرما، امیتابھ بچن اور اکشے کمار آج ممبئی سے راجستھان کی اڑان بھریں گے۔دلچسپ بات یہ ہے کہ سلمان خان کے سیکوریٹی گارڈز تو شادی میں حفاظتی اقدامات کررہے ہیں لیکن اُنہیں خود اس شادی میں مدعو نہیں کیا گیا ۔ اُدھر شادی کی ان تقریبات کے حقوق ای ٹی ٹی پلیٹ فارم آمیزون پرائم ویڈیو نے 80 کروڑ روپے میں خرید لیے ہیں۔ جس کا ارادہ ہے کہ وہ اسے اگلے سال کترینا کیف اور وکی کوشل کی مہندی سے شادی کی تقریبات کی ویڈیو ز کو جاری کرے گا۔
Discussion about this post