پی سی بی کی کھلاڑیوں کے سالانہ ایوارڈ ز کی نامزدگیوں کا اعلان

پاکستان کرکٹ بورڈ نے سال بھر میں زبردست کارکردگی دکھانے والے کھلاڑیوں کی مختلف کٹیگریز کا اعلان کردیا ہے۔ جس میں وہ کھلاڑی شامل ہیں، جنہوں نے اپنی زبردست اور غیر معمولی کارکردگی سے پاکستان کا پرچم ہر میدان میں بلند رکھا۔ متاثرکن پرفارمنس کی کیٹگری میں فواد عالم، حسن علی، محمد رضوان اور شاہین شاہ آفریدی شامل ہیں۔

اسی طرح ایک روزہ میچز کے بہترین کھلاڑیوں کی نامزدگی میں بابراعظم، فخر زماں، حارث رؤف اور ایک بار پھر شاہین شاہ آفریدی کا نام ہے۔

سال بھر کے ایمرجنگ کھلاڑی کے شعبے میں شاہنواز دھانی، اعظم خان، ارشد اقبال اور محمد وسیم جونیئر نے جگہ بنائی ہے۔ ٹیسٹ کرکٹرآف دی ائیر کے لیے شاہین شاہ آفریدی، حسن علی، فواد عالم اور عابد علی کی نامزدگیاں ہوئی ہیں۔

مرد کھلاڑیوں کی طرح خواتین کرکٹرز میں پلیئر آف دی ائیر کے لیے فاطمہ ثنا، انعم امین، ندا ڈار اور عالیہ ریاض شامل ہیں۔