” پردیس میں سیودیس” مشہور کمپنی نے کیوں پوسٹر بنایا؟

بالی وڈ کے بادشاہ شاہ رخ خان اور بھارتی پروفیسر سے آراستہ ایک اسکیچ سوشل میڈیا پر خاصا گردش میں ہے، جس کا سلوگن ہے ” پردیس میں سیودیس کا ایفکٹ ” ۔ دراصل یہ شاہ رخ خان کی فلم ” سیودیس” سے تشریح بیان کرتا ہے۔ اسکیچ میں بھارتی پروفیسر خوشی سے نہال ہے اور شاہ رخ خان انہیں اپنی ایک تصویر دیتے ہوئے واضح طور پر دیکھے جاسکتے ہیں۔ کہانی کچھ یوں ہے کہ بھارتی پروفیسراشونی دیش پانڈے نے 2021 میں مصر کا دورہ کیا تھا، ٹریول ایجنٹ کو پیشگی رقم دینی تھی لیکن ان کے پاس اُس وقت رقم نہیں تھی۔

جب انہوں نے یہ مشکل ٹریول ایجنٹ کو بتائی تو انہوں نے انتہائی مسرت بھرے لہجے میں کہا کہ اشونی کا تعلق شاہ رخ خان کے دیس سے ہے، اُنہیں اُن پر اعتماد ہے، وہ بکنگ کردیتے ہیں، رقم بعد میں روانہ کردیں۔ ساتھ ہی اس ٹریول ایجنٹ نے یہ فرمائش کی کہ اگر ہوسکے تو شاہ رخ خان کے آٹو گراف والی تصویر اُس کی بیٹی کے لیے روانہ کروادیں۔

اشونی دیش پانڈے نے یہ ساری کہانی سوشل میڈیا پر شیئر کی تو شاہ رخ خان نے آگے بڑھ کر خود اپنی ایک تصویر اور شکریے سے بھرے الفاظ سے آراستہ خط بھی لکھ کر متعلقہ ٹریول ایجنٹ کو بھیج دیا۔ جس پروہ خوشی سے نہال ہوگیا۔

My husband & I finally met the man in this story today! I told him about the tsunami of good cheer his story generated. @RedChilliesEnt: he would be delighted with a photo of @iamsrk, autographed in his daughter’s name if possible. Please DM me if this can be arranged, thanks! 😊 https://t.co/Ea9nckNqFm pic.twitter.com/q44KeOVTw7

— Ashwini_Deshpande (@AshwDeshpande) January 10, 2022

اب اسی تناظر میں مکھن اور دودھ تیار کرنے والی بھارتی کمپنی نے یہ اسکیچ جاری کیا ہے۔ جس میں اس بات پرفخر محسوس کیا گیا کہ شاہ رخ خان کی وجہ سے کیسے ایک بھارتی کی مشکل آسان ہوئی۔