پاکستان سپر لیگ کے لیے ٹریفک پلان

کراچی ٹریفک پولیس نے پاکستان سپر لیگ 7 کے لیے ٹریفک پلان جاری کیا ہے۔ جس کے تحت شام 5 بجے سے 6 بجے کے درمیان راستے بند کردیے جائیں گے۔ لیاقت آباد سے نیشنل اسٹیڈیم کی طرف آنے والی سٹرک ٹریفک کے لیے مکمل بند ہوگی، جبکہ یونیورسٹی روڈ سے اسٹیڈیم جانے والا راستہ بھی بند رہے گا۔ ٹریفک حکام کا کہنا ہے کہ اسٹیڈیم روڈ سے لیاقت آباد اور یونیورسٹی روڈ کی سڑکیں کھلی رہیں گی۔

اسی طرح سہراب گوٹھ، نیپا فلائی اوور اور لیاقت آباد نمبر 10 ہیوی ٹریفک کی آمد و رفت کے لیے بند ہوگا۔ یونیورسٹی روڈ پر بھی ہیوی ٹریفک بند ہوگا۔ گاڑیوں کی پارکنگ نیشنل کوچنگ سینٹر کی جائے گی۔ یونیورسٹی روڈ پر دوسرا اسپاٹ حکیم سعید گراؤنڈ ہوگا۔ ان دونوں مقامات پر پارکنگ کی اجازت انہی کو ہوگی، جن کے پاس میچ کا ٹکٹ ہوگا۔