ملکی اداروں کے خلاف جنگ لڑنے نہیں نکلا، عمران خان

تحریک انصاف کے چیئرمین اور سابق وزیراعظم عمران خان نے اسلام ۤباد میں بڑے جلسے سے خطاب کیا۔ جس میں ان کا کہنا تھا کہ ملکی اداروں کے خلاف جنگ لڑنے نہیں نکلے۔ ساتھ ہی ان کا کہنا تھا کہ قوم کا اداروں کو پیغام ہے کہ ابھی بھی وقت ہے کہ ان چوروں سے ملک کو بچالو۔ سابق وزیراعظم کے مطابق مقدمات سے ڈرتے نہیں ہیں۔ اداروں سے پوچھتے ہیں کہ کرپشن کے خلاف ٹھیکہ کیا انہوں نے اکیلا ہی لے لیا ہوا۔ عمران خان نے کہا کہ عوام موجودہ حکومت کے  ساتھ نہیں، امپائر ان کے ساتھ ہیں، امپائر کے ساتھ ہونے کے باوجود وہ  ان کو شکست دیں گے۔