بالی ووڈ کی گنگوبائی اداکارہ عالیہ بھٹ انسٹاگرام کی 10 بڑی شخصیات میں شامل کیا گیا ہے جو اپنی دیدہ زیب تصاویر اور مسحورکن ویڈیوز سے لاکھوں لوگوں کو متاثر کرتی ہیں۔ انفلوئنسر مارکیٹنگ حب کے مطابق انسٹاگرام پر عالیہ بھٹ کے 6 کروڑ 40 لاکھ فالوورز ہیں جبکہ ان کی پوسٹ پر صارفین کی سرگرمی کی شرح ساڑھے تین فیصد ہے یعنی 19 لاکھ ہے۔
اداکارہ عالیہ بھٹ اپنے انسٹاگرام اکاؤنٹ کو نہایت کامیابی کے ساتھ فلموں، برانڈز اور ذاتی کاروبار کی مارکیٹنگ کے لیے استعمال کرتی ہیں، انہوں نے اپنی ٹائم لائن کو پروفیشنل اور ذاتی اپڈیٹ کے لیے ایک صحت مندانہ ماحول قائم کیا ہوا ہے۔
View this post on Instagram
کورونا وباء کے دوران انہوں نے اپنے انسٹاگرام اکاؤنٹ سے کئی اصلاحی پیغام جاری کیے تھے جبکہ رنبیر کپور کے ساتھ اپنی شادی کی خبر بھی انسٹاگرام اکاؤنٹ کے ذریعے ہی پرستاروں تک پہنچائی تھی۔
View this post on Instagram
انسٹاگرام پر اس قدر متحرک رہنے کے باعث اداکارہ معروف امریکی گلوکارہ جینیفر لوپیز، تھور اداکار کرائسٹ ہیمزورتھ کو پیچھے چھوڑتے ہوئے انسٹاگرام ٹاپ 10 انفلوئنسر میں اپنی جگہ بنانے میں کامیاب ہوگئی ہیں۔ ان کے ساتھ اس فہرست میں پہلے نمبر پر سپائیڈر مین سے مشہور ہونے والی اداکارہ زندایا ہیں۔ فہرست میں ٹام ہالینڈ، ’دی راک‘ کے نام سے مشہور اداکار ڈیونے، جنوبی کوریا کے ریپر جے ہوپ اور ول سمتھ شامل ہیں۔
جبکہ فہرست میں انڈین اداکارہ پرینکا چوپڑا، اداکار اکشے کمار، شردھا کپور اور رشمیکا مندانا بالترتیب 13 ویں، 14ویں، 18ویں اور 19ویں نمبر پر ہیں۔
Discussion about this post