سلمان خان کے ریاض کنسرٹ میں 80ہزار پرستاروں کی شرکت

بالی وڈ کے دبنگ خان ان دنوں ریاض میں ہیں، جہاں انہو ں نے ’دبنگ ٹور‘ کے سلسلے میں کنسرٹ میں حصہ لیا ۔ سعودی شہر میں اُس وقت تِل دھرنے کی جگہ نہیں تھی، جو اپنے پسندیدہ اداکار کے ایک ایک انداز کا لطف اٹھانے کے لیے موجود تھے۔ اس موقع پر جیسے ہی سلمان خان کی انٹری ہوئی تو نعروں اور تالیوں سے پورا ریاض گونج اٹھا۔

سلمان خان نے اس موقع پر اپنے مشہور گیتوں پر رقص کیا۔ اس کنسرٹ میں صرف سلمان خان ہی نہیں ان کے بہنوئی آیوش شرما بھی تھے، جن کی حال ہی میں سلمان خان کے ساتھ ’انتم‘ ریلیز ہوئی ہے۔ صرف یہی نہیں شلپا شیٹی نے بھی اس کنسرٹ میں اپنے رقص سے خوب دھوم مچائی۔ پربھودیوا اور دیگر ڈانسرز نے بھی اس محفل میں جیسے ان گنت رنگ بھردیے۔

اس شو میں کہا جارہا ہے کہ 80ہزار کے قریب تماشائی آئے تھے۔ جنہوں نے رات گئے تک جاری رہنے والے اس کنسرٹ کا لطف اٹھایا۔ سلمان خان اور بالی وڈ کے دیگر ستاروں کی یہ کہکشاں ’ریاض سیزن‘ کے تحت سجائی گئی تھی۔ جس میں سعودی عرب کے مختلف شہروں سے بالی وڈ اسٹارز کے چاہنے والے پہنچے تھے۔

لقطات من حفل أخي النجم سلمان خان @BeingSalmanKhan 💪🔥 pic.twitter.com/1kEfSP97It

— TURKI ALALSHIKH (@Turki_alalshikh) December 11, 2021