سانحہ 9 مئی میں ملوث مجرموں کو سزائیں سنا دی گئیں

انٹر سروسز پبلک ریلیشنز (آئی ایس پی آر) کے مطابق جناح ہاؤس حملے میں ملوث جان محمد خان اور محمد عمران محبوب کو 10 سال قید با مشقت کی سزا سنائی گئی ہے جبکہ  جی ایچ کیو حملے میں ملوث راجہ محمد احسان کو بھی 10 سال قید با مشقت کی سزا سنائی گئی ہے۔ پنجاب رجمنٹل سینٹر مردان حملے میں ملوث رحمت اللّٰہ اور پی اے ایف  بیس میانوالی حملے میں ملوث انور خان کو بھی 10 سال قید با مشقت کی سزا ہوئی ہے۔ بنوں کینٹ حملے میں ملوث محمد آفاق خان کو 9 سال قید بامشقت کی سزا سنائی گئی  ہے جبکہ چکدرہ قلعہ حملے میں ملوث داؤد خان کو 7 سال قید با مشقت کی سزا ہوئی ہے۔ جناح ہاؤس حملے میں ملوث فہیم حیدر کو 6، ملتان کینٹ چیک پوسٹ حملے میں ملوث  زاہد خان کو 4، پنجاب رجمنٹل سینٹر مردان حملے میں ملوث یاسر نواز کو 2 سال قید بامشقت کی سزا سنائی گئی ہے۔علاوہ ازیں جناح ہاؤس حملے میں ملوث داؤد خان، عمر فاروق کو 10، محمد حاشر خان کو 6 اور محمد عاشق کو 4 سال قید بامشقت کی سزا سنائی گئی ہے۔ آئی ایس پی آر کا کہنا ہے کہ پی اے ایف بیس میانوالی حملے میں ملوث بابر جمال  کو 10 جبکہ ملتان کینٹ چیک پوسٹ حملے میں ملوث خرم شہزاد کو 3 سال قید بامشقت کی سزا سنائی گئی ہے۔ آئی ایس پی آر کے مطابق جناح ہاؤس حملے میں ملوث عبدالہادی  اور علی شان کو 10 سال قید بامشقت کی سزا سنائی گئی ہے۔ آئی ایس پی آر کے مطابق 9 مئی 2023ء کو قوم نے سیاسی طور پر بڑھکائے گئے اشتعال انگیز تشدد اور جلاؤ گھیراؤ کے ۔افسوسناک واقعات دیکھے۔ترجمان پاک فوج کا کہنا ہے کہ 9 مئی کے پُرتشدد واقعات پاکستان کی تاریخ میں ایک سیاہ باب کی حیثیت رکھتے ہیں