بھارتی انتہا پسند ہندو تنظیم بجرنگ دل کا چرچ پر حملہ

واقعہ دہلی میں پیش آیا، جب مسیحی برادری مٹیالہ روڈ پر قائم ہونے والے چرچ میں پہلی بار دعائیہ تقریب کا اہتمام کررہی تھی۔ ایسے میں مشتعل اور دہشت گرد بجرنگ دل کے غنڈوں نے اچانک چرچ میں گھس کر توڑ پھوڑ کردی۔ہندو انتہا پسندوں کا مطالبہ تھا کہ چرچ جس جگہ تعمیر کیا گیا ہے وہ گودام ہے اور یہاں عبادت نہیں کی جاسکتی۔

مسیحی برادری کا موقف یہ رہا کہ کیونکہ یہ قریبی مقام پر چرچ بنایا جارہا ہے اسی لیے وہ اس گودام کو عارضی عبادت گاہ بنا رہے ہیں۔ اس موقف کو ماننے سے ہندو انتہا پسندوں نے انکار کیا اور عبادت کرتے مسیحی برادری کو ڈنڈوں اور لاٹھیوں سے بری طرح لہولہان کردیا۔ پولیس کا دعویٰ ہے کہ اُس نے دنگا فساد کرنے والے ہندو انتہا پسندوں کو گرفتار کرلیا ہے لیکن مسیحی برادری نے اس دعویٰ کو مسترد کردیا۔