امریکی خط ڈرامے کی وجہ عارف نقوی کے خلاف متوقع فیصلہ ہے، مریم نواز

مسلم لیگ نون کی نائب صدر مریم نواز کا کہنا ہے کہ عارف نقوی جس الزام میں پکڑے گئے۔ اس گھپلے میں عمران خان بھی شریک ہیں۔ عمران خان نے عارف نقوی سے لاکھوں ڈالر غیر قانونی طور پر لیے ہوئے ہیں۔ مریم نواز کے ٹوئٹس کے مطابق اداروں پر حملے، گھیراؤ جلاؤ کا سبق بھی جلد انتخابات کے لیے دباؤ بڑھانے کا حربہ ہے۔

قوم یہ جان کے کہ امریکی خط ڈرامے کی وجہ عارف نقوی کے خلاف متوقع فیصلہ ہے کیونکہ وہ جس الزام میں پکڑا گیا ہے اس گھپلے میں عمران خان بھی شریک ہے کیونکہ عمران نے اس سے لاکھوں ڈالر غیر قانونی طور پر لیے ہوئے ہیں۔ ECP پر حملہ آور ہونے کی وجہ غیر قانونی فنڈنگ کے ناقابل تردید شواہد ہیں۔

— Maryam Nawaz Sharif (@MaryamNSharif) April 23, 2022

ان کا کہنا تھا کہ کان کھول کر سن لو، غنڈا گردی اور دھمکیاں اب عمران خان کی اپنی تباہی کا باعث بنیں گی۔ اپنی حکومت نہ سنبھال سکے، اپنی پارٹی نہ سنبھال سکے اور باتیں سن لیں۔

اداروں پر حملےاور گھیراو جلاؤ کا سبق بھی جلد انتخابات کے لیے دباو بڑھانے کا حربہ ہے۔ کان کھول کے سن لو! تمھاری غنڈہ گردی اور دھمکیاں اب تمھاری اپنی تباہی کا باعث بنیں گی۔ اپنی حکومت نا سنبھال سکا، اپنی پارٹی نا سنبھال سکا اور باتیں سن لو! تمھار کھیل ہمیشہ کے لیے ختم انشاءاللّہ!

— Maryam Nawaz Sharif (@MaryamNSharif) April 23, 2022

مریم نواز نے عمران خان کو مخاطب کرکے کہا کہ تمہارا کھیل ہمیشہ کے لیے ختم ہوگیا۔